• Экономика
• Экология
• Әлеуметтік құрам
• Еңбек қауіпсiздiгi, денсаулықты және еңбекті қopғay туралы
• Орнықты даму туралы есеп беру

Экология

Экологиялық іс-шараларды жоспарлаған кезде Компания өзінің технологиялық және қаржылық мүмкіндіктерін назарға алады. Қоршаған ортаны қорғау бөлігінде іс-шараларды жоспарлау:

• мемлекеттің заңнамалық талаптарына және халықаралық талаптарға;
• дамыту стратегиясы және ішкі құжаттарға; қоршаған ортаны қорғау саласындағы уәкілетті органдардың нормативтік талаптарына;
• жүргізілген тәуекелдерді бағалау нәтижесіне;
• қоршаған ортаның мониторинг нәтижелеріне;
• қоршаған ортаны қорғау бойынша іс-шаралар жоспарын орындау нәтижелерінің талдауына негізделеді.

Ресурстар және шығарылымдар

Компания ресурстарды ұтымды пайдалануға және қоршаған ортаны ұқыпты ұстауға тырысып, келесі қағидаларды ұстанады: ‒ қоршаған ортаның жағдайына кері әсердің алдын алу, үздік табиғатты қорғау тәжірибесін қолдану; ‒ экологиялық таза технологияларды дамытуға және таратуға әрекет ету; ‒ қоршаған орта саласында нормалар мен ережелерді сақтау, апаттық жағдайлардың алдын алу бойынша шаралар қолдану. Мысалы, су ресурстары тек қана шаруашылық-тұрмыстық қажеттіліктерге ғана қолданылады (персоналдың ауыз суына мұқтаждығы, ғимараттар мен үй-жайларда гигиена сақтауға, жазғы уақытта аумаққа су себу және жасыл көшеттерді суару). Нысандардың сумен жабдықталуы орталықтандырылған, кейбір Қ/АПБТ, ПББ, АПББ-да сырттан әкелінген су қолданылады. Қызмет барысында шаруашылық-тұрмысты ағынды су пайда болады. Ағынды суларды қолданыстағы кәріз және/немесе септик жүйелеріне бұру жүзеге асырылады. Көміртегі ізін азайту жөніндегі жұмыстар жүргізу шеңберінде «Қазпошта» АҚ өз қызметінің нәтижесінде жүзеге асырылатын зиянды заттар мен парниктік газдар шығарындыларының есебін жүргізеді. Қоршаған ортаны ластаудың негізгі көздері көмірмен, дизель отынымен, табиғи газбен жылытылатын пештер мен қазандықтар, автокөліктер болып табылады. Бекітілген «Қазпошта» АҚ-ның Төмен көміртекті дамыту бағдарламасын іске асыру үшін 2031 жылға дейін төмен көміртекті дамыту жөніндегі іс-шаралар жоспары әзірленді, онда ағымдағы жылдан бастап нақты міндеттер белгіленген 5 бағыт бөлінді:

• альтернативті, экологиялық таза жылуды енгізу, яғни объектілерді газдандыру;
• энергияны үнемдеу және энергия тиімділігін арттыру, атап айтқанда, жарық диодты жабдықты қолдану арқылы жарықтандыру жүйесін жаңғырту;
• «таза» көлікті дамыту, атап айтқанда, ЕУРО-5 экологиялық класындағы қозғалтқыштармен жабдықталған көліктерді сатып алу;
• жаңартылатын энергия көздерін енгізу (күн батареяларынан электрмен жабдықтау);
• парниктік газдарды сіңіру ретінде орман-климаттық шаралар, яғни құрылыстардан бос өз аумағында жасыл желектерді отырғызу арқылы аумақтарды абаттандыру. Компанияның қызметі оның қатысу аумақтарындағы биоәртүрлілікке айтарлықтай әсер етпейді. Мемлекеттік ұлттық табиғи парктердің немесе қорықтардың аумақтарында, ерекше қорғалатын табиғи аумақтарда орналасқан объектілер жоқ.

Энергияны үнемдеу

«Энергия үнемдеу және энергия тиімділігін арттыру туралы» Қазақстан Республикасының Заңына сәйкес Қоғам филиалдарының объектілерінде энергетикалық аудит жүргізіледі, оның қорытындысы бойынша жоспар бекітіледі және энергия үнемдеу және энергия тиімділігін арттыру жөніндегі іс-шаралар жүргізіледі.