• Экономика
• Экология
• Әлеуметтік құрам
• Еңбек қауіпсiздiгi, денсаулықты және еңбекті қopғay туралы
• Орнықты даму туралы есеп беру

Еңбек қауіпсiздiгi, денсаулықты және еңбекті қopғay туралы

Жұмыс орнындағы еңбекті қорғау және қауіпсіздік бойынша мәселелерге ерекше назар бөлінеді. Аталған сұрақ бойынша барлық шаралар қауіпсіздікті қамтамасыз етуге, жұмыскерлердің денсаулығы мен өмірін сақтауға бағытталған. Қауіпсіздік және еңбекті қорғау саласында мониторинг жүргізіледі. Еңбек шарттарын жақсартуға, қауіпсіз технологияларды енгізуге, жеке қорғанысқа, өндірістегі жазатайым жағдайларды есепке алу тәртібін орнатуға, қауіпсіздік және еңбекті қорғау саласында заңнама талаптарын сақтауға және т.б. бағытталған ішкі құжаттарды әзірлеу және қабылдау жүргізілуде. Қауіпсіздік және еңбекті қорғау саласындағы басты қағидалар:

• жұмыскердің өмірін және денсаулығын сақтау;
• жұмыскерлердің денсаулығына өндірістік зиянды әрекеттердің әсер етуіне жол бермеу;
• жұмыскерлердің еңбек шартына құқығын қорғау;
• аумақтық бөлімшелер және реттеушілердің өкілдерінің келісілген әрекеттерін қамтамасыз ету;
• қауіпсіздік және еңбекті қорғау жағдайы туралы ақпараттың толықтығы және шынайылығы. Еңбекті қорғауды басқару саласында мақсатты тұжырымдаудың бірыңғай жүйесі енгізілді, атап айтқанда мәдениетті арттыру және еңбекті қорғау және қауіпсіздік техникасы бойынша жүйені жетілдіру бағдарламасы, қызметтің жаңа негізгі функционалдық көрсеткіштері бекітілді. Электр қондырғыларын, өндірісік жабдықтарды пайдаланғаны үшін жауапкершіліктерін, өндірістік жарақаттанудың алдын алу және өндірісте жазатайым жағдайларды азайту мәселелерін қоса алғанда, еңбекті қоғау сұрақтарын реттейтін бұйрықтар шығарылды. Жұмыс орнында қауіпсіздікті реттейтін тиісті нұсқаулар, саясат және ережелер бекітілді. Қызмет барысында әр қызметкерге жұмыс кезінде қауіпсіздік шараларын белгілейтін нұсқаулар беріледі. Нұсқаулықта жалпы қауіпсіздік талаптары, соның ішінде жұмыс алдында, жұмыс кезінде және жұмыс аяқталғаннан кейінгі талаптар, сондай-ақ төтенше жағдайлардағы қауіпсіздік талаптары бар. Еңбек қауіпсіздігі және еңбекті қорғау департаменті еңбекті қорғаудағы, қызметкерлердің қауіпсіздігі мен денсаулығындағы мақсаттарға қол жеткізу жөніндегі барлық іс-шаралар мен мәселелерді үйлестіруді қамтамасыз етуге, еңбек қауіпсіздігі мен еңбекті қорғауды жаңғырту жөнінде ұсыныстар енгізуге, ішкі және сыртқы ортаны талдау жөніндегі іс-шараларды іске асыруға жауапты болады, қауіпсіздік және еңбекті қорғау мәселелері бойынша инциденттерді анықтау мен оларға ден қоюдың уақтылығы мен толықтығын бақылауды жүзеге асырады. Шағын бағдарламалар бекітілді, олардың әрқайсысы еңбек жағдайларын жақсартуды және өндірістік тәуекелді төмендетуді қамтамасыз ететін өндірістік, ұйымдастырушылық және басқа да іс-шаралар кешені болып табылады. Мақсаты –жұмыскерлердің қатысуын, жұмыс орнындағы еңбекті қорғау және қауіпсіздік саласындағы коммуникациялық процестің тиімділігін арттыру. Іске асыру нәтижелері бойынша еңбек қауіпсіздігі және еңбекті қорғау жөніндегі заңнаманы сақтауды арттыру, өндірістік жарақаттануды төмендету күтілуде. «Қазпошта» АҚ Басқармасының шешімімен бекітілген «Қазпошта» АҚ-да көлік құралдарын пайдалану кезінде көлік қауіпсіздігін басқару қағидалары енгізілді, олар көлік құралдарын қауіпсіз пайдалану жүйесін қамтамасыз ету, жол-көлік оқиғаларының алдын алу, әлеуетті тәуекелдерді азайту, қызметкерлерді жарақаттау және пошта жөнелтілімдерін, тауарларды/жүктерді тасымалдау кезінде залалды азайту тәртібін белгілейді. «Қазпошта» АҚ-да қауіпсіздіктің көшбасшылық мінез-құлық аудитін жүргізу қағидалары енгізілді, олар қауіпті іс-әрекеттер мен қауіпті жағдайларды анықтауға, алдын алуға және болдырмауға, аудит процесінде қызметкердің мінез-құлқының (қауіпті іс-әрекеттерінің) салдарын түсіндіру және қауіпті жағдайларда болу есебінен басшылар мен қызметкерлердің қауіпсіздік мәселелеріне деген ынтасын күшейтуге және бейілділігін арттыруға бағытталған. Өндірістегі жазатайым оқиғалардың алдын алу және азайту мақсатында тұрақты негізде келесі шаралар қарастырылған:
• пошташылардың құлау және жарақат алу жағдайларын болдырмау үшін жолдарда және көшелерде көктайғақтың алдын алу үшін жергілікті атқарушы және уәкілетті органдармен өзара іс қимыл жасау;
• пошташылармен, сұрыптаушылармен және жүргізушілермен еңбек қауіпсіздігі және еңбекті қорғау бойынша күнделікті нұсқаулықтар;
• қызметкерлерді еңбек қауіпсіздігі және еңбекті қорғау бойынша тұрақты негізде оқыту;
• жаңадан қабылданған және ауыстырылған қызметкерлерге, уақытша қызметкерлерге, іссапарға жіберілгендерге, практикаға келген студенттерге арналған кіріспе нұсқаулықтар. Еңбек қауіпсіздігі мен еңбекті қорғауды қамтамасыз ету жүйесі, сондай-ақ еңбек қауіпсіздігі және еңбекті қорғау жөніндегі ішкі құжаттар әртүрлі учаскелерде тартылған мердігер ұйымдарға да қолданылады.